पत्रकारांना धमकावणाऱ्यांवर कठोर कारवाई; दोषींना थेट जेलची हवा – मुख्यमंत्री देवेंद्र फडणवीस

मुंबई :

राज्यातील पत्रकारांना धमकावणे, मारहाण करणे किंवा त्यांच्या पत्रकारितेच्या कामात अडथळा निर्माण करणाऱ्यांविरोधात कठोर कारवाई करण्यात येणार असल्याचे मुख्यमंत्री देवेंद्र फडणवीस यांनी स्पष्ट केले आहे.

पत्रकारांवरील हल्ले हे केवळ एका व्यक्तीवरील हल्ले नसून लोकशाही व्यवस्थेवरील आघात असल्याचे मुख्यमंत्री म्हणाले. लोकशाहीमध्ये पत्रकार आणि माध्यमे हे चौथा स्तंभ असून समाजातील प्रश्न, जनतेच्या समस्या तसेच शासनाच्या विविध योजना नागरिकांपर्यंत पोहोचवण्याचे महत्त्वपूर्ण कार्य ते करतात.

पत्रकारांना धमकावणे, दबाव टाकणे किंवा त्यांच्या कामात अडथळा निर्माण करणे हे गंभीर प्रकार असून राज्य सरकार अशा घटनांकडे गांभीर्याने पाहत आहे. पत्रकारांना निर्भयपणे काम करता यावे यासाठी आवश्यक संरक्षण आणि कायदेशीर मदत उपलब्ध करून देण्यास सरकार कटिबद्ध असल्याचेही मुख्यमंत्री फडणवीस यांनी सांगितले.

मुख्यमंत्र्यांच्या या भूमिकेचे पत्रकार संघटनांनी स्वागत केले असून पत्रकारांच्या सुरक्षेसाठी आणखी ठोस उपाययोजना करण्याची मागणी करण्यात आली आहे.