स्वेरीत जागतिक पशुवैद्यक दिनानिमित्त कार्यक्रम संपन्न

 पंढरपूर- ‘आज काल सर्व क्षेत्रात कृत्रिम बुद्धीमत्तेचा मोठ्या प्रमाणावर वापर केला जात आहे. दुग्धोत्पादनात ही कृत्रिम बुद्धीमत्तेचा वापर क्रांती घडवेल.’ असे मत पशुसंवर्धन अतिरिक्त आयुक्त डॉ. शितलकुमार मुकणे यांनी काढले. 
           गोपाळपूर (ता. पंढरपूर) येथील स्वेरीज् कॉलेज ऑफ इंजिनिअरिंग (ऑटोनॉमस) मध्ये ‘जागतिक पशुवैद्यक दिना’निमित्त स्वेरी व जेष्ठ पशुवैद्यक प्रतिष्ठान यांच्या संयुक्त विद्यमाने आयोजिलेल्या ‘तांत्रिक परिसंवादा’च्या उदघाटन प्रसंगी पशुसंवर्धन विभागाचे अतिरिक्त आयुक्त डॉ. शितलकुमार मुकणे हे मार्गदर्शन करत होते. कार्यक्रमाच्या अध्यक्षस्थानी स्वेरीचे संस्थापक सचिव व कॉलेज ऑफ इंजिनिअरिंगचे प्राचार्य डॉ. बी.पी. रोंगे हे होते. व्यासपीठावर माजी सहआयुक्त डॉ.महेश बनसोडे, माजी सहा. संचालक डॉ. चंद्रहास कापडी, व्याख्याते डॉ. मंगेश घाडीगावकर, जिओ प्लॅटफॉर्मचे महाव्यवस्थापक डॉ. संतोष वाघचौरे, पुणे पशुसंवर्धन विभागाचे उपायुक्त डॉ. अंकुश परिहार, सातारा उपायुक्त डॉ. दिनकर बोर्डे, सोलापूरचे उपायुक्त डॉ. विशाल येवले, सांगलीचे सहा. आयुक्त डॉ. विजय ढोके, सोलापूरचे सहा. आयुक्त डॉ. भास्कर पराडे, कार्यक्रमाचे संयोजक व ज्येष्ठ पशुवैद्यक प्रतिष्ठानचे अध्यक्ष डॉ. विश्वासराव मोरे, महाव्हेट सोलापूरचे अध्यक्ष डॉ. शहाजी ठवरे, पंढरपूरच्या पशुसंवर्धन विभागाचे सहाय्यक आयुक्त डॉ. विलास डोईफोडे, पंचायत समिती पंढरपुरचे पशुसंवर्धन विकास अधिकारी डॉ. प्रियांका जाधव-कोळेकर हे होते. सकाळच्या सत्रात नोंदणी, अल्पोपहार चहापान व पदवीधर पशुवैद्यकांना गुलाब पुष्प, सुवासिक गजरे, फाईल, पॅड, पेन,  ‘विश्वास’ पुस्तक देऊन स्वेरीच्या विद्यार्थिनींनी स्वागत केले. प्रवेशद्वाराजवळ ‘जागतिक पशुवैद्यक दिना’ ची लक्षवेधी रांगोळी काढली होती. अल्पोपाहारच्या वेळी प्रा. दीपक इरकल व अल्फिया मुलाणी यांनी सुंदर गीतांची बरसात करून वातावरण प्रसन्न केले. प्रमुख पाहुणे डॉ. मुकणे पुढे म्हणाले की, ‘कृत्रिम बुद्धिमत्तेमुळे दुभत्या गाई-म्हशींचे आरोग्य सदृढ बनते. दुग्ध मशीनने धारा काढणे, माज ओळखणे, कृत्रिम रेतनाची वेळ सुनिश्चित करणे, दुधानुसार आहार वितरण, गोठ्याचे नियंत्रण इत्यादी बाबी सुलभ होऊन दुग्धोत्पादन फायदेशीर करता येतील. पशुपालक व पशुवैद्यक क्षेत्र आणि सकारात्मक बदलांचा फायदा होऊन भविष्यात क्रांती होऊ शकते. याप्रसंगी पुणेचे उपायुक्त डॉ. अंकुश परिहार, साताराचे उपायुक्त डॉ. दिनकर बोर्डे, सांगलीचे उपायुक्त डॉ. विजय ढोके, सोलापूरचे सहा.आयुक्त डॉ. भास्कर पराडे यांनी मार्गदर्शन केले. पंढरपूरचे सहा.आयुक्त डॉ. विलास डोईफोडे यांना सेवानिवृत्ती निमित्त सन्मानित करण्यात आले व त्यांच्या कार्याचा गौरव करण्यात आला. सकाळच्या ‘कृत्रिम बुद्धिमत्तेचा फायदेशीर दुग्ध व्यवसायासाठी वापर’ या विषयावर व्हेट्रिना हेल्थ केअरचे संस्थापक व व्यवस्थापकीय संचालक डॉ. मंगेश घाडीगावकर व मुंबई मधील जिओ प्लॅटफॉर्मचे महाव्यवस्थापक डॉ. संतोष वाघचौरे यांनी जवळपास दोन तास अभ्यासपूर्ण मार्गदर्शन केले. अध्यक्षस्थानावरून बोलताना स्वेरीचे संस्थापक डॉ. बी.पी. रोंगे म्हणाले की, ‘पशुवर उपचार करताना पशुवैद्यकांना उन्हा-तान्हात, बांधावर, शेतात, रात्री-अपरात्री प्रत्यक्ष जागेवर जावून उपचार करावे लागतात. हे कार्य प्रामाणिकपणे करताना त्या पशूच्या किमतीची मर्यादा येते म्हणून पशुवैद्यक आज खूप श्रेष्ठ वाटतो.’ स्व. डॉ. चंद्रकांत निंबाळकर यांच्या स्मरणार्थ असलेले ‘उत्कृष्ट पशुवैद्यक पुरस्कार’ हे हातकणंगले (जि.कोल्हापूर) मधील डॉ.सत्यदीप चिकबिरे, सांगलीतील डॉ. अविनाश चव्हाण, सातारा मधील डॉ. दत्तात्रय लोखंडे, करमाळा (सोलापूर) मधील डॉ.मनिष यादव, पंढरपुरातील डॉ. राजेंद्र सावळकर, केडगाव (जि.पुणे) मधील डॉ. चैत्राली आवाड व मोहोळ (जि.सोलापूर) मधील डॉ.प्रदीप रणवरे यांना २०२४ मध्ये उत्कृष्ट कामकाज केल्याबद्दल प्रदान करण्यात आले. यावेळी स्वर्गीय डॉ. सुहास देशपांडे जीवनगौरव पुरस्कार माजी सहसंचालक डॉ.सी.आर.कापडी यांना डॉ. शितल मुकणे व डॉ.बी.पी. रोंगे यांच्या हस्ते प्रदान करण्यात आला. त्यांचे वय ८६ वर्षे आहे मात्र त्यांनी प्राणी सेवा ही ६३ वर्षे केली. यातून त्यांची प्राणीमात्रावर असलेले निस्सीम प्रेम दिसून येते. डॉ. कापडी हे सत्काराला उत्तर देताना म्हणाले, ‘चांगल्या लोकाभिमुख कार्याची दखल समाज हा नक्की घेत असतो. त्यासाठी आपण निस्पृह मनाने, एकाग्रतेने काम करणे आवश्यक आहे.’ कार्यक्रमाच्या यशस्वीतेसाठी डॉ. ब्रह्मानंद कदम, डॉ.प्रवीण जाधव, डॉ. शिवराज पवार, डॉ. रावसाहेब पताळे, डॉ. राजीव मोहोळकर आदींनी परिश्रम घेतले. कार्यक्रमासाठी राज्यातील पशुवैद्यकांनी प्रचंड प्रतिसाद दिला. कार्यक्रमाचे सूत्रसंचालन प्रथमेश बनसोडे यांनी केले तर डॉ. अनिल सरदेशमुख यांनी आभार मानले.
[2:43 PM, 4/29/2025] Santosh Halkude: छायाचित्र- ‘जागतिक पशुवैद्यक दिना’निमित्त तांत्रिक परिसंवादाच्या उदघाटन प्रसंगी व स्व.डॉ देशपांडे स्वर्गीय डॉ. निंबाळकर यांच्या प्रतिमेचे पूजन करताना प्रमुख पाहुणे डॉ. शितल मुकणे, सोबत स्वेरीचे डॉ. बी.पी. रोंगे, डॉ. महेश बनसोडे, डॉ.अंकुश परिहार, श्रीमती निंबाळकर, सौ. वृषाली मोरे, संयोजक डॉ. विश्वासराव मोरे, डॉ. दिनकर बोर्डे, डॉ. बेले डॉ. सी. आर. कापडी, डॉ.भास्कर पराडे.