अभय योजनेचा नागरिकांनी घेतला लाभ
ksnews
0
18
एका दिवसात 8.5 कोटी मालमत्ता कराचा भरणा : आजवरील सर्वांत विक्रमी कर भरणा
पनवेल, दि.28 : मालमत्ता कराच्या वसुलीसाठी पनवेल महापालिकेने जोरदार कार्यवाही सुरू केली आहे. आयुक्त श्री. मंगेश चितळे यांनी दिलेल्या सूचनेप्रमाणे महापालिकेने मालमत्ता करधारकांसाठी अभय योजना सुरू केली आहे. यामुळे नागरिकांचा मालमत्ता कर भरण्याकडे मोठ्या प्रमाणात कल वाढला आहे. गेल्या 18 जुलै पासून अभय योजना सुरू केल्यापासून आजवरचा सर्वाधिक विक्रम आज झाला असून सुमारे 8.5 कोटीचा भरणा महापालिकेकडे जमा झालेला आहे.
मालमत्ता कराची थकीत वसूली करण्याकरिता महापालिकेने अभय योजना सुरू केली आहे. या योजनेंतर्गत संपुर्ण मालमत्ताकर एकरकमी भरल्यास शास्तीमध्ये 90 टक्के सूट मिळणार आहे. तसेच 16 ऑगस्ट ते 31 ऑगस्ट या कालाधीत संपुर्ण मालमत्ताकर एकरकमी भरल्यास शास्तीमध्ये 75 टक्के सूट मिळणार. तसेच या पुढील काळात म्हणजे 1 सप्टेंबर 2025 ते 10 सप्टेंबर कालावधीत संपुर्ण मालमत्ताकर एकरकमी भरल्यास शास्तीमध्ये 50 टक्के सूट मिळेल. आणि 11 सप्टेंबर ते 20 सप्टेंबर या कालाधीत संपुर्ण मालमत्ताकर एकरकमी भरल्यास असलेल्या शास्तीमध्ये 25 टक्के सूट मिळणार आहे. ही अभय योजना केवळ एकवेळची विशेष आणि अंतिम बाब म्हणून जाहीर करण्यात आली आहे.
मालमत्ताधारकांना या अभय योजनेची माहिती व्हावी यासाठी विशेष अशा गाडीची सोय करण्यात आली आहे. तसेच महापालिकेच्या सोशल मिडीयावरतीही मोठ्या प्रमाणात अभय योजनेची जाहिरत करण्यात आली आहे. तसेच सर्व मालमत्ता कर संकलन केंद्रावरतीही मोठ्या प्रमाणात अभय योजनेची माहिती दिली जात आहे. याचा परिणाम गेल्या काही दिवसापासून दिसून येत असून सुट्टी असून देखील रविवारी 5 कोटीचा विक्रमी भरणा झालेला दिसून आला आज सोमवारी हा विक्रम मोडित निघाला असून आज महा विक्रमी 8.5 कोटी मालमत्ता कराचा भरणा पालिकेच्या तिजोरीत झाला असल्याची माहिती उपायुक्त स्वरूप खारगे यांनी दिली आहे.
चौकट
ऑनलाईन भरल्यास 2टक्के सलवत
पनवेल महानगरपालिकेच्या वेबसाईट, PMC TAX APP अथवा पनवेल कनेक्ट ॲपद्वारे नागरिकांनी मालमत्ता कर ऑनलाईन भरल्यास त्यांना 2 टक्के सवलत मिळेल तसेच चालू वर्षाचा म्हणजे 2025-26 चा कर 31 जुलैपर्यंत भरल्यास त्यांना या करामध्ये 5 टक्के सूट मिळेल, तरी नागरिकांनी लवकरात लवकर कर भरणा करून याचा लाभ घ्यावा असे मालमत्ता कर उपायुक्त स्वरूप खारगे यांनी आवाहन केले आहे.
