आ. अब्दुल सत्तार यांच्या सुचनेने निराधार योजनेची बैठक संपन्न
ksnews
0
25
सिल्लोड ( प्रतिनिधी ) दि.5, सिल्लोड - सोयगाव विधानसभा मतदारसंघाचे आमदार अब्दुल सत्तार यांच्या निर्देशाने सिल्लोड येथे तहसिल कार्यालयात निराधार योजनेची बैठक संपन्न झाली असून या बैठकीत संजय गांधी निराधार योजनेसाठी 167 तर श्रावण बाळ योजनेसाठी 287 असे एकूण 454 पात्र संचिकांना मंजुरी देण्यात देण्यात आली आहे.
आमदार अब्दुल सत्तार यांच्या निर्देशाने नियमितपणे निराधार योजनेसंबंधी बैठक होत असल्याने पात्र लाभार्थ्यांना लाभ मिळत आहे. वयोवृद्ध व निराधार पात्र लाभार्थ्यांना दरमहा 1 हजार 500 रुपये मानधन मिळत असल्याने त्यांच्या आवश्यक गरजा भागविण्यासाठी मोठी मदत होत आहे.
नियमाप्रमाणे निर्धारीत वेळेत निराधार योजनेसंबंधी बैठक घेण्याचे निर्देश आमदार अब्दुल सत्तार यांनी दिले असल्याने तहसीलदार यांच्या अध्यक्षतेखाली नुकत्याच झालेल्या शासकीय कमिटीच्या बैठकीत ऑनलाइन झालेल्या सर्व पात्र संचिका निकाली काढण्यात आल्या. यात एकून 73 संचिकांमध्ये त्रुटी आढळून आल्याने त्यांना याबाबत माहिती देण्यात येणार असून संचिकेत त्रुटी असलेल्या नागरिकांनी त्रुटींची पूर्तता करावी जेणे करून येत्या बैठकीत पात्र संचिकाना मंजुरी देता येईल
ज्यांच्या संचिका आवश्यक कागदपत्रे अभावी नामंजूर झाल्या आहेत त्यांनी सदरील पूर्तता करून द्यावी. यातील पात्र संचिका त्वरित निकाली काढण्यात येईल. निराधार योजनेसंबंधी नियमित बैठक होत असल्याने लवकरच पुन्हा बैठक होणार असल्याने निराधार योजनेचा लाभ घेण्यासाठी राहिलेल्या वयोवृद्ध व निराधार नागरिकांनी त्वरित तहसील कार्यालयात संचिका दाखल कराव्यात असे आवाहन आमदार अब्दुल सत्तार यांनी केले आहे.
