बेलापूर येथे वातवेद चूर्ण परिचय कार्यक्रम उत्साहात संपन्न
बेलापूर : समाजातील अनाथ, निराधार आणि वंचित बालकांना सुरक्षित निवारा, शिक्षण आणि उज्ज्वल भविष्य मिळवून देण्याच्या उद्देशाने ज्ञानप्रसारक सांस्कृतिक शिक्षण बहुउद्देशीय संस्था, महाराष्ट्र आणि VAYUNEX GLOBAL PRIVATE LIMITED यांच्या संयुक्त विद्यमाने सोमवार, १६ नोव्हेंबर २०२६ रोजी बेलापूर येथे विशेष कार्यक्रमाचे आयोजन करण्यात आले. हा कार्यक्रम उत्साहपूर्ण वातावरणात पार पडला.
सेक्टर १५ मधील हॉटेल अश्वितन येथे आयोजित कार्यक्रमाची सुरुवात मान्यवरांच्या हस्ते दीपप्रज्वलन करून करण्यात आली. कार्यक्रमाचे सूत्रसंचालन निलेश पास्त्य यांनी केले.
यावेळी श्रीकांत गुरव, महादेव पुरी, प्रमोद शिंदे, राजेश काळे यांच्यासह विविध क्षेत्रांतील मान्यवर उपस्थित होते.
कार्यक्रमात वातवेद चूर्ण या उत्पादनाचा परिचय, त्याची वैशिष्ट्ये, आयुर्वेदिक संकल्पना आणि व्यवसायाच्या उपलब्ध संधी यांची माहिती देण्यात आली. यासोबतच अनाथ व निराधार मुलांसाठी आश्रम उभारण्याचा सामाजिक संकल्प मांडण्यात आला. या माध्यमातून बालकांना सुरक्षित निवारा, शिक्षण, संगोपन आणि सर्वांगीण विकासाच्या संधी उपलब्ध करून देण्याचा मानस व्यक्त करण्यात आला.
यावेळी डॉ. सचिन तपशील यांचे महादेव पुरी यांच्या हस्ते स्वागत करण्यात आले. दिलीप भोगे यांच्या हस्ते श्रीकांत गुरव यांचा सत्कार करण्यात आला. तसेच कंपनीचे डेव्हलपमेंट ऑफिसर राहुल गुरव यांच्या वतीने महादेव पुरी यांचा सन्मान करण्यात आला.
कार्यक्रमाला हर्ष गायकवाड, प्रमोद जाधव, अमोल कांबळे, पृथ्वी पाटील, गीता मेहता आणि राहुल महुलकर यांच्यासह अनेक मान्यवर उपस्थित होते.
दरम्यान, अनाथ आश्रम प्रकल्पाची पुढील दिशा, सामाजिक सहभाग, सहकार्याचे पर्याय आणि भविष्यातील कार्ययोजना यावर चर्चा करण्यात आली. निराधार बालकांना सन्मानाने जगण्याची संधी मिळावी आणि त्यांचे भविष्य सुरक्षित व्हावे, यासाठी समाजातील विविध घटकांनी एकत्र येऊन सहकार्य करण्याचे आवाहन करण्यात आले.
सामाजिक बांधिलकी आणि उद्योजकतेची सांगड घालून समाजहिताचे कार्य पुढे नेण्याचा संकल्प या कार्यक्रमातून व्यक्त करण्यात आला.