दुरुस्ती आलेली चारचाकी वाहने परस्पर विक्रि करून फसवणूक करणारा आरोपी जेरबंद आंबेगाव पोलीस ठाणेची उत्कृष्ठ कामगिरी
ksnews
0
27
दिनांक ०६/०८/२०२५ रोजी आंबेगाव पोलीस ठाणे येथे फिर्यादी यांनी तक्रार दिली कि, त्यांची इनोव्हा क्रिस्ट्रा गाडी सर्विस व डेटींग, पेटींग चे काम निघाल्याने ती दुरुस्ती करीता सदर गुन्ह्यातील आरोपी फिटर भुषण उत्तम काळे, वय ३५ वर्षे, रा. घर नं. ७, नवीन वसाहत, कात्रज गावठाण, पुणे याचेकडे दिली असता, त्याने परस्पर इनोव्हा कार जुनोनी, ता. सांगोला जि. सोलापूर येथील एजंट समीर मुबारक अत्तार याचे मध्यस्थीने त्यास कमिशन देवून कवठेमहांकाळ जि. सांगली येथील एजंट नामे आरीफ आमीन मुजावर यास उसनवार पैशाची नोटरी करून गाडी परस्पर ८,००,०००/- रुपयास विक्रि केली. त्याबाबत आंबेगाव पोलीस ठाणे गु.र.नं. १८३/२०२५ भा.न्या.सं. कलम ३१६, ३१८, ३४०, ३(५) अन्वये दाखल केला आहे.
नमुद गुन्ह्यातील आरोपी भुषण उत्तम काळे यास दिनांक २१/०८/२०२५ रोजी रात्री. २२/०० वा. अटक करून मा. कोर्टात पाठवून त्याची दिनांक २६/०८/२०२५ रोजी पर्यंत पोलीस कोठडी घेण्यात आली होती. तपासात त्याचेकडून १) इनोव्हा क्रिस्टा एम.एच. १४ एच के. ४२५१, २) मारुती कंपनीची वॅगनर एम.एच.१४ बी.ई. ७७०७, ३) हुंदाई कंपनीची आय १० गाडी नं. एम.एच. १९ ए.पी. ०४१०, ४) टोयोटा कंपनीची इंटॉस लिवा एम.एच. १२ एच.व्हि. ४०७९, ५) वॅगनर मारूती एम.एच १४ बी.एक्स. १६९८, ६) मर्सिडीज एम.एच. ०२ सी.डब्लू. ०००५, ७) स्विफ्ट डिझायर एम.एच. १२ एच. झेड. ७७४६ अशा ५२,००,०००/- रुपये किंमतीच्या चारचाकी गाड्या जप्त केल्या आहेत. सदर गुन्ह्याचा तपास पोलीस उपनिरीक्षक सुरेश शिंदे करीत आहेत.
सदर गुन्ह्याचा तपास अमितेशकुमार, पोलीस आयुक्त, पुणे शहर, रंजनकुमार शर्मा, पोलीस सह-आयुक्त, पुणे शहर, संजय बनसोडे, अपर पोलीस आयुक्त, पश्चिम प्रादेशिक विभाग, पुणे शहर मिलींद मोहिते, पोलीस उप-आयुक्त, परिमंडळ २, पुणे शहर व राहुल आवारे, सहा. पोलीस आयुक्त, स्वारगेट विभाग, पुणे शहर यांच्या मार्गदर्शनाखाली आंबेगाव पोलीस स्टेशनचे वरिष्ठ पोलीस निरीक्षक शरद झिने, पोलीस निरीक्षक (गुन्हे) गजानन चोरमले यांचे सुचनेप्रमाणे तपासी अधिकारी सुरेश शिंदे, पोलीस उप-निरीक्षक, रविंद्र चिप्पा, पोलीस हवालदार, आकाश फासगे, पोलीस हवालदार, राहूल लवटे, पोलीस अंमलदार, सुभाष मोरे, पोलीस अंमलदार यांनी केला.।
