स्व.संतोष देशमुख हत्या प्रकरणी वाल्मीक कराडला फाशी द्या; भोसरीत शिवसेना युवासेनेच्या कार्यकर्त्यांकडून जोडे मारो आंदोलन
ksnews
0
9
भोसरी :- बीड जिल्ह्यातील मस्साजोग येथील सरपंच स्व. संतोष देशमुख यांची हत्या अतिशय निंदनीय आहे. त्यांच्या मारेकऱ्यांना फाशीची शिक्षा द्या, अशी मागणी करीत शिवसेना युवासेना, भोसरी विधानसभा मतदारसंघातील कार्यकर्त्यांनी घटनेचा निषेध व्यक्त करीत वाल्मीक कराड याच्या प्रतिमेस जोडे मारो आंदोलन केले.
महाराष्ट्राचे उपमुख्यमंञी तसेच शिवसेना मुख्य नेते एकनाथ शिंदे, शिवसेना उपनेते इरफान सय्यद यांच्या नेतृत्वाखाली तसेच युवा सेना प्रमुख श्रीकांत शिदे, युवा सेना कार्याध्यक्ष पूर्वेश सरनाईक यांच्या आदेशानुसार हे आंदोलन करण्यात आले होते.
